Желудочната кила претставува пробивање на дел од желудникот во градната празнина преку отворот на дијафрагмата, мускул кој ја одвојува градната од стомачната празнина.
Постојат три основни форми на хијатална хернија: лизгачка, параезофагеална и мешовита.
Во случај на лизгачката кила долниот дел на хранопроводот и желудникот се помрднуваат нагоре, па горниот дел на желудникот со еден свој дел завршува во градната шуплина. При параезофагеалната хернија, желудникот се пробива нив мускулот и се стопира кај хранопроводот. Третата форма на кила, т.н. мешана е всушност мешавина од карактериски од првите две форми. Лизгачкиот тип на хијаталната хернија е најчест и се јавува кај речиси 90% од случаите.
Најголем дел од луѓето со желудочна кила не се ни свесни дека ја имаат оваа состојба. Оние кои знаат дека ја имаат најчесто тоа го дознаваат при посета на лекар при хронични киселини.
Симптомите се следни:
- Појава на киселини со жарење и печење зад градната коска и враќање на желудочна течност
- Отежнато голтање
- Болка во градите која се шири кон грбот
- Чувство на подуеност по јадење
- Отежнато дишење
Овој тип на хернија почесто се јавува кај жените и кај лица со зголемена телесна тежина. Причината за појава на желудочната кила во најголем дел од случаите е непозната. Може да биде вродена, односно да се јави како резултат на вроден поголем отвор на хранопроводот. Бременоста, дебелината, хроничното кашлање, односно состојби кои го зголемуваат притисокот во стомачната празнина се сметаат како можна причина за појава на хијатална хернија.
Пациентите кои имаат хернија а не чувствуваат никакви симптоми нее потребен третман. Кај нив се препорачува промена на режимот на исхрана, што подразбира помали оброци избегнување газирани пијалоци и движење по оброкот.
