Умереното консумирање алкохол може да биде добро за здравјето. Особено корист може да се има од пивото, еве зошто чаша пиво е особено добра за жените.
Ги јакне коските
Жените кои пијат две пива неделно имаат посилни коски од оние кои не го консумираат овој пијалак. Многу истражувања покажуваат дека пивото содржи одредени количини силициум, што е еден од најзначајните елементи од кои се изградени човековите коски. Умереното консумирање пиво особено им се препорачува на жените во менопауза.
Ја чува кожата
Пивото е одличен извор на витамини од Б комплекс (тиамин, рибофлавин, ниацин, пантотенска киселина, пиридоксин, биотин, фолна киселина и кобаламин) кои се одговорни за убавиот изглед на кожата, помага во одржување на тонусот на мускулите и му дава енергија на целото тело.
Штити од настинки
Пивото е одличен извор на витамини и минерали како магнезиум, калциум и селен кои го штитат телото од настинки. Освен тоа, пивото содржи и антиоксиданти кои го јакнат имунитетот.
Го намалува заморот
Се чувствувате уморно и раздразливо? Веројатно, се соочувате со пролетен или пак хроничен замор, кои меѓудругото се поврзани и со недостаток на железо во крвта. Тоа тешко се апсорбира во храната и затоа треба да го земате на другите начини. Црното пиво е одличен извор на тој минерал.
Добра хидратација по вежбањето
Заборавете на енергетските пијалаци и напијте се пиво по вежбањето. Група истражувачи од универзитетот Гранада докажале дека пивото има одличен хидрирачки ефект на телото.
