Менопаузата е природна состојба во животот на секоја жена и обично се јавува околу 50. година. Меѓутоа, симптомите може да се јават и многу порано, во текот на фазата која се нарекува перименопауза.
Станува збор за период кој почнува кога жената ќе забележи нередовен менструален циклус, а се јавува помеѓу 30. и 40. година.
Тоа би значело дека менопаузата може да почне и 10 години пред регуларниот период. За менопаузата е карактеристично да се намали нивото на естроген, а месечните циклуси стануваат нередовни. Дури откако ќе поминат 12 месеци без циклус, се смета дека официјално е почнат периодот на менопауза. Се до тогаш, жената е во период на перименопауза кој може да трае неколку години, а кај некои жени и со 10 години. Освен нерегуларности во циклусот, перименопаузата е проследена и со нива на други симптоми кои се слични на оние кои повеќето жени вообичано ги поврзувааат со менопаузата.
Меѓу другото, жената почнува нагло да се поти и да чувствува топлина поради пореметувањето на хормоните. Карактеристични се и променливи расположенија, па жените стануваат раздразливи, депресивни и анксиозни. Истовремено, се јавува и сувост на вагината и несоница.
Во едно истражување, 15 до 25% од жените изјавиле дека во перименопаузата почувствувале симптоми на депресија.
“Ако вашата мајка има рана менопауза, а вашиот начин на живот е сличен со нејзиниот, поверојатно е дека ќе минете низ многу слично сценарио“, вели гинекологот Алиса Двек.
Перименопаузата и менопаузата може да имаат големо влијание на животот на жената, но отворениот и искрен разговор со лекар за можностите за лекување може во голема мера да помогне, децидни се стручњаците. Тие потенцираат дека за почеток е добро да се промени начинот на живот, и да се зголеми физичката активност. Да се намалат цигарите, ако сте пушач, а повеќе да се избегнува консумирање алкохол, особено црното вино, како и кофеинот.
