Ракот на дојка е еден од најголемите убијци на жените, а најдобар начин да се открие болеста и на време да се лечи е прегледот со мамограф. Со децении мамографот бил тој кој го сменил животот на многу жени, а сега прв пат во последните 20 години се предлага за време на прегледот со мамограф жените да се фокусираат и на ризикот од рак на дојка на кој досега речиси никој не обрнувал вниманиет – дали жените имаат помала или поголема густина на ткивото во дојките.
Цврстите гради со погусто ткиво не се проблем како такви затоа што ваквите гради имаат повеќе сврзно ткиво, и масно што е потполно нормално. Колку сте помлади толку шансите да имате вакви гради се поголеми затоа што тие со годините стануваат, односно ткивото во нив станува помалку збиено.
Докторите не се сигурни зошто густината на ткивото на дојките е поврзано со ризикот од рак на дојката. Можно е ракот не само побавно и потешко да се развива во ваквите гради, туку и потешко се открива.
„Маста е црна, а ракот е бел, па полесно може да се воочи. Ткивото на густите гради, исто така, е бело, па во овие случаи лекарите прават ултразвук како додаток на мамографот што дава комплетна слика за вашите гради, рекла докторката Синди Ли.
Новото правило подразбира лекарите да ги предупредат пациентките на тоа какво им е ткивото во градите. Ова сознание им овозможува на жените отворено да зборуваат со својот лекар и да посветат внимание на тоа дека имаат поголем ризик од развој на оваа опасна болест, отколку некои други жени.
Се води дебата околу возраста кога треба да се оди на мамограф. Жените кои имаат густо ткиво во градите или имаат позитивна семејна анамнеза мораат да се подложат на порани прегледи со мамограф, и тоа веќе на 30 години.
„Секоја жена пред 30-та година треба да појде на гинеколог и да поразговара со него за репродуктивното здравје, како и за здравјето на дојките. Семејната анамнеза, исто така, е важна како и тоа да се одреди дали имате зголемен или нормален степен на ризик од рак на дојката“, додала докторката.
Редовниот преглед е најдобра заштита, затоа што треба да е јасно оти кога некоја болест или аномалија ќе се открие во рана фаза со голем успех може да се лекува и излекува. Колку подолго чекате, толку шансите за преживување се помали. Појдете на лекар ако забележите каква било промена.
