Жените кои имаат пониско ниво на добри бактерии во вагината имаат поголеми шанси да добијат рак на јајниците, а оние кои го носат БРЦА1 генот, кој го зголемува ризикот од оваа болест до 42 пати, имале значително помалку од овие бактерии во вагината.
Лактобацилите се клучни за одржување на Пх вредноста на вагината што спречува лошите бактерии да предизвикаат инфекција. Многу жени кои во семејството имаат позитивна семејна анамнеза на рак на јајници се решаваат да ги отстранат јајниците за да го намалат ризикот од болеста и така остануваат неплодни. Научниците се надеваат дека ова откритие ќе помогне во раното откривање на ризикот од болеста и ќе им помогне на жените да ја одбегнат оваа сложена операција. Можно е да се развие супозиторија за вагината која би го зголемила бројот на овие бактерии.
Истражувањето е спроведено на Универзитетот Лондон под надзор на професорот Мартин Винсчвендтер од одделението за рак кај жените.
„Прв пат сме во можност да докажеме дека жените со генетска мутација можат да имаат промена во вагиналниот микробиом. Ова ни помага да се вмешаме и да влијаеме на ризикот од развој на болести“, рекол тој.
Голем број жени секоја година се соочуваат со дијагноза на рак на јајници. Симптомите се различни, а вклучуваат надуеност, чувство на исполнетост и непријатно чувство во абдоменот. Тоа ја прави болеста тешка за откривање, а голем број случаи се откриваат дури откако болеста ќе напредува. За разлика од ракот на дојка и цервикс не постои скрининг за рак на јајници, а се затоа што не постои адекватен тест.
БРЦА1 произведува протеини кои ја поправаат оштетената ДНК и спречуваат формирање тумори. Доколку генот е мутиран, овие протеини не ја обавуваат својата функција како што треба. Речиси 44 отсто од жените кои наследиле некои опасни мутации на овој ген ќе развијат рак на јајниците.
Жените кои ја имаат оваа болест или предиспозиции да ја добијат, често се решаваат да им се отстранат јајнициците и Фалопиевите туби што не е нималку лесна одлука. Тоа влијае на нивната плодност и ги става во рана менопауза. Овој тест кој би покажал како се однесуваат добрите бактерии би можел да го спречи создавањето и развојот на болеста и да им помогне на жените кои се во ризик да ја одбегнат опасната операција.
