Нова британска студија укажува дека подолгиот работен ден ги изложува жените на поголем ризик од развој на депресија,отколку мажите. Во истражувањето учествувале над 23.000 возрасни лица. Се покажало дека жените кои работат подолго од 55 часа неделно, почесто покажуваат симптоми на депресија од жените кои работеле стандардни 35 до 40 часа неделно.
Жените кои работат 55 или повеќе часови неделно, имаат за 8% поголема веројатност да имаат симптоми на депресија од жените кои работат 35 до 40 часа неделно.
Интересно е дека мажите кои имале подолго работно време, не биле изложени на поголем ризик од развој на депресија, иако биле подложни на проблемите доколку работеле преку викенд.
Подолгото останување на работа може да биде знак на несигурност и нереални очекувања на работа, кои се познати ризик фактори за лошо ментално здравје.
