Жените често се соочуваат со одредени очекувања, поврзани за изгледот, од фризура до шминка. Иако не е вообичаено жените да имаат посебен дрес код, новата студија открива дека изгледот на жената, сепак, влијае на нејзиниот успех. Социолозите Џеклин Вонг и Ендру Пене собрале податоци од околу 14 000 вработени за да ја пронајдат врската помеѓу атрактивниот изглед и приходите.
Претходните студии покажале дека луѓето кои се природно атрактивни заработуваат и до 20 проценти повеќе, но новата студија открива дека убаво средена жена, дотерана и нашминкана, ќе заработува многу повеќе од нејзините „поопуштени“ колешки. Ова не важи за мажите
Резултатите покажале дека жените кои се на лидерски позиции во компанијата многу внимаваат на нивниот изглед и таквото однесување го сметаат за примерно, бидејќи оддава слика на стабилна, организирана личност која заслужува покачување на платата.
Ако сте тој тип на жена, сигурно немате проблем со трошење време на средување, но дали е исправно жените на кои не им е грижа за најновите модели на чевли и совршената шминка да заработуваат помалку иако се подеднакво способни?!
Истражувачите сметаат дека овде не се работи за свесен избор на шефовите, иако потсвесно на челни позиции не се ставаат жени кои одбиваат да играат улоги, кои ги поставило општеството за тоа како една жена би требало да изгледа денес.
Што се однесува до несвесното однесување, работите тешко ќе се променат, но ако најдете работно место каде сите работници се третираат на ист начин и полот не е важен, вакви работи сигурно нема да доживеете.
