Постојат многу фактори кои може да влијаат на почетокот на менопаузата, од генетиката, пушењето, хемотерапија… но нова студија од Универизтетот Лидс открива како и она што го јадете може да влијае на почетокот на менопаузата.
Научниците заклучиле дека исхраната која се состои од повеќе здрави намирници, како грашок и масна риба влијае на одложувањето на почетокот на менопаузата и тоа за дури три години. Жените, пак, кои редовно консумираат тестенини и ориз, може да влезат во менопауза 18 месеци порано од просекот.
Времето на почеток на менопаузата може да остави последици по здравјето, неважно дали во овој период сте влегле прерано или предоцна, и се поврзува со развојот на карцином на градите, јајчниците или матката.
„Проблемите врзани за раното влегување во менопауза вклучуваат зголемен ризик за болести на срцето и коските, развојот на депресијата, деменција и сексуална дисфункција“, нагласува д-р Филип Сарел, додавајќи дека предностите на правилната исхрана се големи, а оваа студија е важен чекор кон подобро разбирање на факторите кои влијаат на влезот во менопаузата, особено за жените кои имаат предиспозиција во неа да влезат прерано.
