Витамините А, Ц и Е го намалуваат оштетувањето предизвикано од дејството на слободните радикали, сончевите зраци, загадувањето на воздухот и чадот и ја обновуваат кожата оштетена од сончевите зраци – ова е заклучок на истражувањето, под водство на Шелдон Пинела, еден од водечките американски дерматолози и научници од Универзитетот Дјук.
Витамин Е
Витаминот Е е важен антиоксидант и ја штити кожата од оксидативно оштетување на клетките на кожата, кое го намалува колагенот и е причина за сува кожа и брчки.
Храна богата со витамин Е: никулци од житарки, џигер, јајца, јаткасти плодови, авокадо, папаја и манго, зелен лиснат зеленчук (спанаќ, блитва кељ, зелка, марула), сладок компир (батат), капини, пиперки бабури, киви, кокос, домати, моркови, семки од сончоглед, маслинки, брокула, аспарагус, пченка, ладно цедени растителни масла (маслиново, пченкарно, масло од соја, сончоглед).
Витамин Ц
Друг одличен антиоксидант е витаминот Ц, кој не само што ја штити кожата од надворешните влијанија, туку го обновува и колагенот и и дава на кожата еластичност и ги зајакнува капиларите. Овој витамин е од суштинско значење за силен имунолошки систем, но, исто така, и за заштита на кожата од штетните сончеви зраци. За да ја добиете потребната количина на овој витамин, потрудете се секој ден да внесувате доволно овошје и зеленчук.
Храна богата со витамин Ц: киви, папаја, јагоди, портокали, лимон, диња, грејпфрут, малини, лимета, манго, боровинки, брусница, капини, ананас, грозје, кајсии, сливи, лубеница, банана, морков, цреши, праски, јаболка, круши, краставици, целер, брокула, карфиол, лук, домати, тиквички, аспарагус, зелен лиснат зеленчук (спанаќ, блитва, кељ, праз, зелена салата, магдонос).
Бета-каротен
Убавите и живописни бои на овошјето и зеленчукот се резултат на каротеноидите, природни пигменти кои се во изобилство во природата и се составен дел на растенијата. Еден од нив е и бета-каротенот, кој се претвора во витамин А и е еден од клучните фактори за одржување на здравјето на кожата. Не само што дејствува како антиоксидант, туку, исто така, го спречува и стареењето на кожата, ја штити од УВ зрачење и од штетите предизвикани од пушењето. Интересно е тоа што преголем внес на бета-каротен може да ја обои кожата во жолта боја, додека оптималната доза ја прави сјајна.
Храна богата со бета-каротен: зелен лиснат зеленчук (спанаќ, блитва, кељ, праз, зелена салата), брокула, моркови, домати, тиква, слатки компири (батат), лубеница, диња, кајсии, манго, папаја, портокали, круши.
