Ако сте жена и едноставно не можете да престанете да пушите, не бидете премногу строга кон себе! Истражување, спроведено на универзитетот Питсбург покажало дека бројни програми и препарати се насочени кон мажите и дека не се земаат предвид специјалните потреби на жените. На пример, никотинските фластери и гумите за џвакање немаат ист ефект кај жените и мажите пушачи, додека, на пример антидепресивите покажале подобар ефект кај жените.
Треба да се напомене и дека жените се почувствителни на факторите на околината поврзани со навиката за пушење, како што се одредени пријатели, расположението или амбиентот.
Авторот на оваа студија, доктор Кенет А. Перкинс предлага креирање програма за одвикнување од пушењето заснована на половите разлики. Смета дека ваквата програма би можела да има соодветен ефект и врз жените и врз мажите, кои решиле да заборават на оваа штетна навика.
