Пролетта умее да биде мошне променлива, па многумина токму во овој период од годината – ако не и најубавиот; се чувствуваат уморно, се жалат на болка во главата, коските, мускулите, чувствуваат раздразливост, имаат несоница. Главен виновник за ова е ВРЕМЕТО, а статистиката покажува дека дури 85 отсто од здравите луѓе спаѓаат во категоријата метереопати.
На временските промени најчувствителни се жените, потоа адолесцентите и потоа популацијата постара од 45 години. На нашиот организам му се потребни два до три дена да се стабилизира и прилагоди на амбиенталните услови, а најчувствителен е во првите 12 часа од наглите промени на времето.
Ова посебно го чувствуваат хроничните срцеви болни, астматичарите и личностите со психосоматски заболувања. Под влијание на временските проемени, хипофизата го зголемува лачењето на хормонот одговорен за појава на раздразливост, додека во исто време се намалува производството на ендорфин – приороден аналгетик.
Лекови од природата против метереопатијата се чајот од камилица, нане, липа, глог – затоа што ја намалуваат напнатоста. Алкохолот и чоколадото по кои често посегнуваме се контрапродуктивни.
