Најновото истражување покажало дека жените подобро работат и мислат на повисоки температури, додека кај мажите тоа е случај кога е ладно. Еве како е можно ова. Истражувањето вклучувало метнална аритметика од страна на жените, па забележано е дека резултатите од задачите биле за 9 проценти подобри кога температурата во просторијата се зголемила за 5 Целзиусови степени. Кај мажите во испитувањето се покажало сосема спротивен резултат. Решенијата на задачите биле пониски за 3 отсто со зголемување на температурата за 5 степени.
Познато е дека жените кога се во канцеларија често чувствуваат студ додека нивните машки колеги се потат, а ова ново истражување покажало дека жените имаат потреба за топлина за да им биде удобно и за да бидат попродуктивни.
„Студијата не се базираше на тоа дали ви е комфорно или не, туку колкав ви е учинокот на одредена температура“, вели авторот на истражувањето, професор Том Чанг и додава дека најмногу го изненадило тоа што учинокот се забележувал и при осцилација во рамки на нормалните температури.
Истражувачите користеле клима уреди и електрични греалки за да ја сменат температурата во просторијата од 16 Целзиусови степени до 33. Во истражувањето учествувале речиси 500 испитаници, кои имале математичка задача со собирање, но и задача да напишат што е можно повеќе збора со по 10 букви. Со пораст од 10 Целзиусови степени на температурата жените на секој збор од 10 букви можеле да додадат уште еден, додека кај мажите резултатот се преполовил.
Студијата е објавена во научниот магазин „PLOS One“, а заклучокот на истражувачите е дека луѓето не би требало на работа да ги попречува ништо, па ни студ или топлина.
