Британска студија во која биле вклучени речиси 17 000 жени покажала дека жените со синдром на полицистични јајници се посклони кон развој на ментални болести, како што се депресија, анксиозност, биполарно нарушување и нарушувања во исхраната, отколку жените без полицистични јајници, пишува „Journal of Clinical Endocrinology and Metabolism“.
Исто така, истражувањето покажало дека децата на мајки со синдром на полицистични јајници се изложени на поголем ризик од развој на пореметување на вниманието со хиперактивност и нарушувања од аутистичен спектар, отколку децата на мајките кои немаат полицистични јајници
Инаку, синдромот на полицистични јајници е најчестото хормонално пореметување кај жените во репродуктивна доба. Се јавува кај 7 до 10 проценти од жените во репродуктивна доба, а се карактеризира со зголемено производство на машки хормони.
Научниците сметат дека кај жените со синдром на полицистични јајници треба да се утврди дали страдаат и од некое ментално нарушување. Исто така, се смета дека и лекарите и жените со споменатиот синдром треба да бидат свесни за можноста од појава на ментално пореметување.
