Жените кои имаат проблем со недостаток на витаминот Д имаат за 43 % поголем ризик да развијат мултиплекс склероза. Ова го покажува најновото истражување на Институтот за општествено здравје на Харвард.
Ова автоимуно заболување ги зафаќа нервните ткива на мозокот и на ‘рбетниот мозок, и тоа вообичаено се открива на возраст меѓу 20 и 40 години, пишува The Deccan Chronicle.
Болеста е тешко да се открие до појавата на симптомите.
Веројатно, заклучоците на научниците ќе доведат до развој на нов тест за проценка на ризикот од мултиплекс склероза. При тоа, експертите додаваат дека „за да се намали ризикот од мултиплекс склероза, концентрацијата на витамин Д треба да се одржува во рамките на нормалното ниво.“
Меѓу другото, одредени видови бактерии во цревниот тракт можат да играат важна улога во прогресијата на болеста. Ова беше откриено од страна на научниците од Универзитетот во Калифорнија, кои спровеле студија со 142 лица од кои едната половина биле болни, а другата здрави. Истражувачите откриле дека одреден тип на цревни бактерии е почест кај луѓето кои страдаат од мултиплекс склероза. Тие ги вметнале овие бактери во организмот на глувци и сфатиле дека имале влијание врз имунолошкиот систем на глодарите. Овие цревни бактерии не може да бидат единствената причина за болеста, но судејќи по се, тие можат да влијаат на текот на болеста.
