Болниот секс би можел да биде знак за проблем, односно може да биде резултат на многу причини, меѓу кои вагинални инфекции, запек, фиброиди, ендометриоза, цисти на јајниците…
Одење во испотена облека
Сте се испотиле, на пример, во теретана, но ете нешто треба инцидентно да се заврши и тргнувате во поход испотени – не правете го тоа! Веднаш соблечете ја испотената облека од вас затоа што бактериите претежно растат во топло, влажно опкружување и можат да доведат до инфекција.
Претпоставка е дека тешкото менструално крвавење е нормално
Без оглед на годините или колку и да мислите дека сте близу до менопауза би требало да се прегледате ако морате да менувате тампон или влошка на секои два часа или одите на двојна заштита – и тампон и влошка – за да избегнете инцидент. Просечниот губиток на крв за време на целиот менструален циклус би требало да изнесува околу 80 милилитри.
Носење танга гаќички
Конечно, одличен изговор да не носите неудобна долна облека: докторите велат дека тангите можат да ја „оштетат“ кожата, да предизвикаат иритација, а не секогаш дозволуваат и вентилација. Без доволно воздух тоа подрачје може да стане погодно за развој на бактерии.
Верувате во сè што ќе го прочитате на интернет
Постојано ги проверувате симптомите на интернет, по разно-разни форуми, на пример?! Внимателно со Гугл! Истражувањето по некои стручни страници е во ред, но посетата на лекар е сепак препорачлива.
Сами го лекувате она што мислите дека е инфекција
Многу жени купуваат производи за инфекции на првиот знак за вагинални промени или чешање. Но не секогаш станува збор за инфекција, тоа може само да доведе до пречки во поставувањето на вистинската дијагноза, а во меѓувреме може да доведе до влошување на симптомите.
