Проблеми со сонот и заспивањето се маѓу најчестите проблеми кај жените во менопаузата и постменопаузата. Жените во овој период од животот се жалат дека им е тешко да заспијат, дека се будат неколкупати во ноќта, а наутро стануваат порано отколку што сакале. Лошиот квалитет на сонот во менопаузата е поврзан и со други здравствени проблеми како што се дебелината, кардиоваскуларните болести, карциномите, дијабетесот, депресијата и лошиот квалитет на животот.
Студија направена во Кореа, на над 400 жени во период на менопауза и постменопауза утврдила дека 19 отсто од жените укажале на неквалитетен сон. Во оваа група жени најголемиот дел од нив имале и зголемен крвен притисок, повисок холестерол, триглицериди, биле непушачи, помалку образовани, во депресија и под поголем стрес.
Истражувањата покажуваат дека влегувањето во менопауза влијае на квалитетот на сонот, а жените се пожалиле дека лошото ноќно спиење е поврзано со симптомите како ноќно потење и бранови на жештина.
Студијата покажала дека оние кои поинтензивно ги чувствувале симптомите на менопаузата имале далеку понеквалитетен сон отколку другите.
