На прашањето која возраст од животот на жената е најдобра за да се стане мајка, свој одговор дала и Лондонската школа за економија. Имено, студијата направена во оваа школа ја дава својата верзија за „најдобар период’ и се врзува за интелектуалните способности на децата. Со истражувањето бил опфатен развојот на 18 000 деца, а на крајот било утврдено дека златни години за мајчинството се триесеттите.
Истражувањето било објавено во магазинот „Biodemography and social biology”, а покажало дека жените кои раѓаат деца во четвртата деценија всушност раѓаат поинтелигентни деца, а тоа јасно го покажале когнитивните тестови. Со студија е докажано дека ова важи за мајките кои прв пат раѓаат во триесеттите.
Зошто е така?
Тие се пообразовани, имаат поголеми примања, поголеми се шансите да се во стабилни врски, имаат поздрав начин на живот, се грижат за здравјето и ја планираат бременоста. Сосема доволно причини!
