Освен што има антистресно дејство и поволно влијае на енергијата, за коренот женшен се покажало и дека би можел да помогне во превенцијата од грип. Имено, истражувачите од Универзитетот во Џорџија го истражувале влијанието на црвениот женшен врз вирусот на грипот H1N1.
Во првото истражување кое било направено врз глувци било откриено дека екстрактот од женшен ги намалува воспаленијата и го зајакнува имунитетот, како и дека им помага на инфицираните епителни клетки во белите дробови да преживеат.
Во следното направено истражување, пак, повторно се потврдени антивирусните својства на оваа билка. Женшенот спречил репликација на респираторниот синцицијален вирус во клетките на домачинот и спречил воспаленија кои се јавуваат при инфекција со овој вирус.
