Комбинацијата на матичен млеч и женшен помага да се надмине поголемата физичка и ментална исцрпеност. Брзото темпо на живот, напорното образование, трката во бизнисот и на работа, но и борбата за гола егзистенција се континуиран извор на стрес.
Последиците се различни од човек до човек, а многу често имаат големо влијание во нашиот секојдневен живот. Честите меѓучовечки конфликти, лоши животни навики како што се пушењето или консумирањето алкохол, консумирањето на големи количини нездрава храна, сето тоа може да доведе до многу ментални и физички заболувања. Како одговор на стресот, нашето тело ги активира природните одбранбени механизми. Меѓутоа, ако тие механизми постојано се активни може да му наштетат на нашето здравје.
Организмот на стресот реагира со лачење на адреналин и кортизол од надбубрежната жлезда.
Адреналинот ги стега крвните садови, го зголемува крвниот притисок и ја забрзува работата на срцето, а кортизолот ја зголемува концентрацијата на гликоза во крвта. Двата хормони го подготвуваат телото за справување со стресни настани. Во краткорочни ситуации ова е одбранбен механизам и во некои ситуации е од витално значење. Сепак, денес многу луѓе се постојано изложени на стресни настани и постојаното ослободување на хормоните на стрес може да предизвика висок крвен притисок, шеќерна болест, анксиозност, депресија, промени во расположението.
Женшен – чудесен корен од Далечниот Исток
Модерниот начин на живот не ни доволува целосно да го избегнеме стресот. Сепак, исполнувајќи ги секојдневните обврски, можеме да се потрудиме да ги ублажиме неговите негативни ефекти. Помош можеме да побараме во природата, како што тоа го правеа генерациите на нашите предци.
Кинезите одамна забележале дека редовната употреба на женшенот го подобрува целокупното здравје, апетитот и менталната активност, и делува превентивно против многу болести.
