Гинекологот Ширин Лакани сугерира дека најдобрата работа која можете да ја направите за својата вагина е да го прифатите нејзиниот изглед со сите мани и предности. Таа со своето откритие што се прават жените за да добијат совршена вагина, шокирала многумина и притоа рекла дека овие третмани не ги поддржува затоа што смета дека го нарушуваат здравјето на жените.
Парно чистење на вагината
Третманот со пареа наводно длабински ја чисти внатрешноста на вагината и помага од неа да се извлече секретот. Оваа пракса може да биде мошне опасна затоа што го зголемува ризикот од изгореници на чувствителната кожа на интимното подрачје.
Испирање на вагината
Многу жени ја испираат внатрешноста на вагината со мешавина од вода и оцет. Се верува дека овој третман ја остава вагината свежа и го отстранува непријатниот мирис предизвикан од бактерии. Таквото испирање не само што ги отстранува штетните бактерии, туку и оние кои се нужни за интимното здравје. Затоа бидете претпазливи.
Ставање парфем
Оваа пракса всушност е мошне лоша за здравјето на вагината, која така станува чувствителна на бактерии. Хемикалиите од парфемот предизвикуваат иритации и инфекции на интимното подрачје.
Вметнување предмети
Тампоните, менструалните чашки и сексуалните помагала се дизајнирани за вметнување во женскиот полов орган, но се останато ни под разно заштоа што може да предизвика иритации, а тоа може да доведе до болки и непријатно чувство.
Носење тесни панталони
Тесни панталони е во ред да се носат повремено, но ако претерувате може да си навлечете габична инфекција и/или иритација како резултат на триење. Важно е вагината да има простор за „дишење“. Носењето тесна или синтетичка облека е опкружување кое е плодно тло за инфекции и воспаленија.
Носење валкани гаќички
Жените секојдневно произведуваат вагинален секрет, затоа ако не ги менувате редовно гаќичките ризикувате габични заболувања. Таква инфекција настанува кога бактериите ќе се рашират, а ако носите валкана долна облека дозволувате бактериите од претходниот ден да се размножат.
Стискање пликови, акни
Понекогаш на интимното подрачје се појавуваат акни или пликови, особено после бричење, на пример, кога кожата е иритирана или има враснати влакненца. Со нивно стискање само ги „пикате“ бактериите подлабоко под кожата и ризикувате инфекција.
Ишмукување на менструацијата
Оваа бизарна пракса дефинитивно е најопасна од сите претходно наведени и може да направи сериозна штета на ѕидовите на вагината, како и срамните усни. Овој „трик“ се појави неодамна на друштвените мрежи и се користи, наводно, за скратување на траењето на менструацијата.
