И покрај тоа што се смета дека срцевите болести се однесуваат на мажите, половина од жените над 40 години во светот умираат како резултат на кардиоваскуларно нарушување.
Женското срце е помало од машкото. Ако просечната тежина на срцето кај жените е 118 грама, на машкото срце додадете му уште 60 грама повеќе. Жените имаат потенки вени. Просечно земено, вените на жените се за еден милиметар потенки од на мажите. Структурата на залистоците кај жените е послаба за разлика од онаа кај мажите. Нарушувањата на залистоците и проблемите со палпитации се почести кај жените.
Срцевите болести кај жените се потешки за дијагностицирање бидејќи не даваат јасни симптоми. Честопати ЕКГ тестот дава нормални резултати. Ако за мажите е карактеристична градната болка, жените најчесто имаат недостиг на воздух, слабост, замор и надуеност. Затоа, дијагностицирањето на срцеви болести кај жените е вистински предизвик. За поставување дијагноза на женското срце потребно е да се направат детални испитувања. Женското срце потешко може да заздрави по срцевиот удар. За разлика од мажите, жените имаат поголем ризик за смрт по срцев удар.
Женското срце работи побрзо. Ако просечниот број на срцеви отчукувања кај мажите се движи од 70-72 кај жените се движи од 78-82. Тоа е посебно чувствително на несаканите ефекти од пиењето лекарства. Можноста за појава на нарушувања на срцевиот ритам е многу поголема кај жените отколку кај мажите.
Иако се почувствителни и потенки, вените на жените се поотпорни на кардиоваскуларни болести. Споредено со мажите, постои 10 години разлика во развојот на болестите на срцето на жените. Ваквата разлика не постои по менопаузата.
