Во продолжение неколку препораки кои ќе ви помогнат да се справите со високите температури.
Најдете извор на ладно
Вашето тело е дом на вашето бебе, па зрачи многу топлина, а ладната вода ја намалува температурата на крвта што минува низ вашите вени и патува до остатокот од вашето тело. Затоа најдете место каде што ќе можете да ги разладите нозете и другите делови од телото или едноставно туширајте се почесто.
Јадете храна која е богата со вода
За време на бременоста, треба да го хидрирате телото, а во лето поради горештините уште почесто посегнувате по вода, надевајќи се дека ќе ве разлади. Наместо ладна вода, консумирајте намирници кои се полни со вода, како лубеница, разладете ја и ќе добиете совршен десерт или ужина.
Направете ледено изненадување
Ако сакате накратко да ја замените водата со нешто малку поинакво, посегнете по мраз, односно замрзнете разно овошје или направете леден јогурт со блендирање на омиленото овошје и обичен јогурт.
Вентилатор или клима
Обврските во домот оставете ги за рано наутро или доцна во вечерните часови, а во попладневните часови одморете се во климатизирана просторија. Единствено на што треба да внимавате е внатрешната температура да не биде драстично поразлична од надворешната.
Облечете се паметно
Лесни слоеви и природни материјали се вашиот најдобар пријател во текот на летото. Тоа се однесува и на долната облека, бидејќи памучните градници и гаќи во текот на летото се поудобни од другите материјали. Исто така, избегнувајте модни додатоци, бидејќи уште повеќе ќе се потите.
Направете освежувачки спреј
Направете освежувачки спреј за лице, кој може да го користите дома или да го носите со себе во ташна. Потребни ви се три лажици свежо нане, една лажица копар, една лажица магдонос и 85 мл минерална вода. Ставете ги билките во тенџере и сипете вода колку да ги покриете. Кога ќе зоврие, додадете минерална вода, процедете и сипете во шише со распрснувач. Разладете, а пред употреба добро протресете. Користете го неколку дена и чувајте го во фрижидер.
Разладете ја постелнината и козметиката
Ставете ја постелнината во ќеса и сместете ја во фрижидер, на посебна полица, за да не дојде во контакт со храна. Пред спиење, извадете ја и наместете ја на креветот. Исто така, лосионот за тело и другите креми може да ги разладите во фрижидер и по употребата повторно да ги вратите да се ладат, пишува www.motherandbaby.co.uk.
