Во текот на летото организмот е изложен на бројни неповолни влијанија на околината, па затоа на здравјето треба да се посвети поголема грижа од вообичаено. Чести се цревните инфекции, габите и брадавиците, воспаленијата на грло и уво предизвикани од бактерии и вируси, а неретко се јавуваат и очни и уринарни инфекции.
Очни инфекции
Алергиските реакции се можни ако очите дојдат во контакт со претерано хлорирана вода. Затоа не треба да се претерува со нуркање. Црвенилото обично брзо минува, но се случува иритацијата да потрае.
Цревни инфекции
Цревните инфекции се меѓу најчестите болести во летото, освен зголемена температура се појавуваат и повраќање и пролив, а тоа може да доведе до сериозно губење на течности од организмот. Извор на инфекција најчесто е неправилно чувана храна, недоволно измиени овошје и зеленчук и валкани раце.
Габи и брадавици
На габите им годи топлото и влажно опкружување, а местата околу базените и тушевите се идеална подлога за нивно размножување. Инфекцијата најчесто се манифестира со бели дамки на грбот, стомакот и рацете. Брадавиците, пак, се вирусна инфекција која најчесто се појавува на табаните.
Воспаление на грло
Воспалението на грло во летните месеци може да биде и вирусно и бактериско. Во најголем број случаи за болката во овој дел од телото виновни се вирусите. Гребењето во грлото без болка е симптом за вирусна инфекција која обично поминува сама од себе, додека бактериската инфекција бара одење на лекар.
