Губење воздух или здив, притисок во градите или болката во рамото и раката – сите знаат дека се во прашање симптоми на инфаркт. Но, некои симптоми на болести на срцето може да се јават на необичен начин – особено кога е во прашање болката во стомакот. Тоа не е ништо необично кога знаеме колку се цревата важни за здравјето на целиот организам.
“Цревата всушност имаат сопствен нервен систем, исклучително сложен и префинет. Лицата со дигестивни проблеми често имаат нервни пречки. Од секогаш знаеме дека нашето чувство во стомакот има голем удел во тоа како целокупно се чувствуваме, но и какво е нашето здравје“, вели Џулија Ендерс, лекар и автор на светскиот бестселер “Црева со шарм – се за еден потценет орган“.
Д-р Махмуд Кара, појаснува дека ревната микробиота е една од најголемите во телото и дека содржи милион неврони кои се во соработка со сите останати органи. Продолжете да читате за да дознаете дали болката во стомакот е поврзана со здравјето на срцето.
ЖИГОВИНАТА МОЖЕ ДА ЗНАЧИ ПРОБЛЕМИ СО СРЦЕТО
Повеќето од нас многу добро знаат што значи жиговина, тоа чувство на печење во желудникот што понекогаш се јавува со враќање на киселината од хранопроводникот во устата. Многу нешта може да предизвикаат жиговина, како консумирањето кофеин, алкохол, чоколадо и многу зачинета храна и ги влошуваат симптомите кај пациенти со ГЕРБ. Симптомите кои ја придружуваат жиговината често се многу слични со оние кои ги придружуваат другите, многу поопасни болести како што се ангина пекторис или срцев удар, кои обично се јавуваат при зголемен физички напор или психички стрес. Болката карактеристично се шири во долната вилица, левата или двете надлактици, а проследена е со чувство на притисок, тежина, замор, стегање и отежнато дишење.
Но, понекогаш може да значи и проблеми со срцето. Недоволниот проток на крв до срцето може да води до болка во градите која може да личи на лоша дигестија, а на страниците на Harvard Health стои дека околу 8 милиони лица кои се јавуваат во итните служби поради болка во градите, повеќе од половината не се однесувале на болести на срцето.
ОТОКОТ МОЖЕ ДА БИДЕ ПОВРЗАН СО ЗДРАВЈЕТО НА СРЦЕТО
Ако ви се чини дека стомакот ви е со чуден изгед и ако забележите оток, веднаш реагирајте. Често тоа може да биде и последица од она што сте го изеле или испиле, но и симптом на затајување на срцето. Таа состојба може да доведе до задржување на крв во подрачјето на градите што може да се забележи и на стомакот. Кога ќе дојде до оваа состојба, со отокот може да се јават и потешкотии со дишењето, а важно е веднаш да отидете на лекар.
ДАЛИ Е ВО ПРАШАЊЕ ИНФАРКТ ИЛИ ВИРУС?
Понекогаш симптомите се многу слични. Повраќање и гадење може да се појават кај срцев удар. “Симптомите на инфаркт може да вклучуваат болка во градите, гадење, жиговина, болка во стомакот и вртоглавица. Од друга страна, некој вирус или труења со храна може да доведат до мачнини, повраќање, дијареа и горушица”, објаснува д-р Кара.
Некои симптоми можат да ви помогнат да ги разликувате овие две состојби, па така проблемите со срцето ќе се појават болка во градите, рацете, нозете и вратот, додека ккај труење тие нема да се појават. Но, секако е важно секогаш навреме да се консултирате со специјалист доколку забележите невообичаени и непријатни симптоми.
