Колку и да ни се чини логично да уживаме во мали работи, ретко кому тоа му поаѓа од рака. Д-р Брајант, психолог на Универзитетот во Чикаго, смета дека причината за тоа се преголемата работна ангажираност и грижите кои секојдневно ни се на памет. Поради динамичниот начин на живот, ние автоматски одбиваме да бидеме спонтани и да се дружиме, нешто што би можело да ни донесе радост во нашите животи.
Сите познаваме луѓе кои ги краси ведрина и спонтаност, тие секогаш ќе бидат во центарот на вниманието, но што да направиме за сопствената среќа? Еве неколку предлози…
- Ширете позитивни мисли
Денеска напишете пораки со благодарност или јавете се некому за да му кажете што за вас значел последниот состанок, разговор, бакнеж, книга. Кажете им на луѓето да знаат дека тие ве направиле среќни со своето присуство или подарок.
- Пофалете се самите себе
Бидете горди на своето последно достигнување, иако, за жал, тоа го прават мал број на луѓе. Ако сте поминале една година во теретана, наградете се. Пофалете се сами ако сте положиле некој испит или сте направиле добро дело.
- Глумењето среќа го подобрува расположението
Д-р Брајант смета дека насмевката на лицето ќе ве натера навистина да се чувствувате добро! Наместете насмевка и покажете им ја на сите, насмевнете се сами на себе кога ќе се погледнете во огледало!
- Уживајте во сегашноста и искористете го секој момент на среќа
Ништо не е сигурно како фактот дека се ќе помине, а ни се чини, дека среќните моменти минуваат најбрзо. Научниците веруваат дека трикот е во човечката перцепција дека се е минливо и дека сеќавањата бледеат. Откако ќе го сфатиме тоа, ќе уживаме во сегашноста, а одвреме-навреме ќе се потсетиме сами на среќните моменти и така ќе си разубавиме уште еден момент.
- Избегнувајте негативни мисли
Овој свет е полн со песимисти и често се гледа со чудење на оние кои уживаат во секојдневните мали нешта. Не дозволувајте негативноста да ве победи! Научниците откриле дека негативното, но и позитивно размислување, исто така, делува причинско-последично, на пример, меѓу цимерите. Односно, ако еден студент размислува негативно, многу е веројатно дека неговиот цимер ќе го има истото размислување после некое време. Затоа мислете позитивно, уживајте во моментот и ширете среќа!
