Постојат жени кои не можат да го замислат животот без високи потпетици и едноставно најубаво се чувствуваат на високо, додека други жени уживаат на рамно. Во секој случај треба да размислите за улогата на високите потпетици во животот на една жена, пред се за влијанието на нејзиното здравје?
Колку е добро да носите високи потпетици?
Постојат некои научни истражувања врз основа на кои може да се заклучи дека носењето високи потпетици е многу штетно и за ‘рбетот и за нозете.
Секако, ова не значи дека жените треба во целост да се откажат од своите омилени чевли, но за да го сочуваат здравјето и да избегнат болки во одредени делови од телото – мора повремено да одморат од носење високи потпетици. Токму ваквиот одмор може многу брзо да покаже позитивни страни, односно многу здравствени придобивки.
Ова се тегобите кои ќе ги избегнете доколку направите одмор од високите потпетици:
Болки во стапалата
Иако за кратко време ќе престанат да ве болат стапалата, на почетокот ќе имате други проблеми. Тоа значи, кога ќе ги тргнете високите потпетици, стапалата ќе престанат да ве болат, но за тоа ќе почнат да ве болат петите. Секако, ова е минлива болка. Доволно е повремена масажа на стапалата за крвта да проциркулира еднакво по сите делови на долниот дел од ногата, а петите за неколку дена во потполност ќе престанат да ве болат.
Болки во ‘рбетот
Една од најчестите болки е болката во ‘рбетот – на различни делови од ‘рбетниот столб. Оваа болка може да се случи по подолго седење, предолго стоење или шетање, но и по пречесто носење на високи потпетици. Доколку сакате да ги намалите болките во ‘рбетот, време е малку да облечете рамни обувки. Кога стоите на цело стапало, ‘рбетот постепено се враќа во првобитната состојба и болката исчезнува. Бидејќи болката во ‘рбетот е поврзана и со други тегоби, одморањето од високи потпетици може да ви помогне и при хроничните главоболки, кои може да бидат предизвикани од лошата циркулација настаната од неправилното држење на ‘рбетот.
