ЖИВОТ ПО КОРОНАВИРУСОТ: Ракувањето ќе се избегнува, а тоалетните даски ќе бидат задолжителни

Супермаркетите веќе го ограничуваат бројот на лица кои можат во нив истовремено, се поставуваат пластични бариери помеѓу купувачите и продавачите, се бара почитување на растојанието од два метри, па тоа може да се очекува, на пример, и во кафулињата.

Во цел свет се разгледува можноста за ублажување на мерките за спречување на ширењето на коронавирусот. За делумно ублажување на актуелните мерки против КОВИД-19, вчера најави и министерот за здравство Венко Филипче, а предлозите на Комисијата за заразни болести ќе се разгледуваат денес.

Како ќе изгледаат работните места кога економијата повторно ќе почне да функционира?

Еве што може да се очекува во тој контекст, не само кај нас, туку секаде во светот.

  • НЕМА РАКУВАЊЕ, ПОМАЛКУ СОСТАНОЦИ

“Ракувањето до некоја иднина е аут“, изјави неодамна Том Фрајден, бивши директор на центарот за контрола и превенција на болести на САД.

Дезинфициенсите за раце ќе станат нормална работа. Може да се очекуваат мерки чија цел ќе биде да се избегне пренатрупаност на заедничките простории, како и тоа да компјутерите и телефоните да не бидат зеднички. Ќе се поттикнува употреба на маски, а секоја канцеларија веројатно ќе треба да им ги обезбеди на вработените.

Супермаркетите веќе го ограничуваат бројот на лица кои можат во нив истовремено, се поставуваат пластични бариери помеѓу купувачите и продавачите, се бара почитување на растојанието од два метри, па тоа може да се очекува, на пример, и во кафулињата.

Работодавачите би можеле да поттикнат работа од дома или да организираат работните да доаѓаат во различни работни времиња или во различни денови, како и да го намалат бројот на состаноци.

  • ПОВЕЌЕ БОЛЕДУВАЊА

Американаскиот епидемиолог Брендон Браув вели дека во иднина ќе се поттикне, а не обесхрабри останувањето дома кога вработените се болни. Последица е да луѓето доаѓаат на работа и покрај тоа што се болни. Според анкета од септември 2019 година, спроведена на 2.800 работници, точно една третина секогаш доаѓаат на работа без разлика на тоа дали се болни или здрави.

Работата на далечина на многумина ќе им стане вообичаено, особено што за време на изолацијата, се покажа дека тоа е изводливо.

“Поради присилниот останок дома сфативме дека физичките состаноци не се секогаш нужни. Од сега ќе преовладуваат оние виртуелните“, вели Браун.

На работните места и натаму ќе се бара редовно и темелно миење на рацете.

Површините кои често се допираат почесто ќе се чистат. Уште поголемо внимание ќе мора да се посвети на тоалетите и на доводот оти постојат докази според кои, коронавирусот може да се пренесе и преку измет.

Во неодамнешна студија во списанието Lancet се препорачува да не се игнорира “реата од тоалетите, бањите, кујните“ и да најде решение за одводната мрежа.

Уште еден чекор напред кон намалување на ризикот може да биде и пуштање на вода во тоалет со спуштена даска. Имено, млазот при испирање на веце школата може да испушти 80.000 контаминирани капки во воздухот кој може таму да останат со часови. Звучи неверојатно, но санитарните јазли на многу работни места немаат тоалетна даска, што ќе мора да се промени.