Изненадниот срцев удар не мора секогаш да биде големо изненадување. Имено, најновото истражување покажало дека многу луѓе ги игнорираат сигналите што им ги испраќа телото со денови. Околу 350 000 луѓе, само во САД, годишно умираат од срцев удар.
Срцевиот застој претставува грдо сценарио затоа што срцето одеднаш престанува да чука со оглед на тоа дека неговата електрична активност одеднаш „испаѓа“ од ритам. Со реанимација може да се купи малку време, но факт е дека ретко кој пациент преживува. Неодамна е спроведено неверојатно истражување во Портланд во чии рамки со години се следела состојбата на личности заболени од ненадеен срцев застој.
Во текот на истражувањето се разговарало со многу луѓе кои им биле блиски на жртвите, како и со преживеаните, па детално ги прегледале нивните здравствени картони. Откриено е дека половина од средовечните пациенти доживеале значи на предупредување пред застојот, и тоа најчесто во облик на болки во градите и недостаток на здив, што почнало околу еден месец пред застојот.
„До моментот кога некој ќе повикал брза помош за 90 отсто од личностите, за жал, било предоцна. Сепак, постои шанса тоа да се смени, а за која досега не сме знаеле“, објаснува доктор Сумет Чаг од Институтот за срце од Лос Анџелес, кој воедно е и автор на истражувањето.
Интересно е дека неколкумина од пациентите сфатиле дека нивните симптоми се доволно загрижувачки па повикале помош пред да колабираат. Тие воедно имале и најголеми шанси да го преживеат застојот. Тоа е показател дека не треба да се игнорираат сигналите кои ги испраќа телото. На прво место се болката во градите и недостатокот на воздух.
Претходен срцев удар, коронарна болест на срцето и некои наследни пореметувања кои влијаат на работата на срцето го зголемуваат ризикот од ненадеен срцев застој.
Иако една четвртина од личностите кои ги погодил срцев застој немале никакви симптоми, повеќе од половина доживеале барем еден, со тоа што кај повеќето симптомите се појавиле 24 часа пред застојот, иако кај некои се покажувале месец дена порано. Кај мажите најчесто се јавуваат болки во градите, додека жените остануваат без воздух. Други симптоми на кои треба да се посвети внимание се несвестица и нерамномерни отчукувања на срцето.
