Зимската депресија претставува сезонско нарушување на однесувањето. Ова пореметување е медицински признаено, а се однесува на нарушувања на расположението проследени со повремена депресија во текот на зимските месеци. Зимската депресија се јавува во доцна есен или зима, во повеќето случаи поминува некаде околу февруари, а официјалното име и е сезонско нарушување на расположението.
Ризик факторите за развој на зимска депресија се: живот во облачни краишта со малку сончеви денови, поврзаноста кон домот или други затворени простори, како и работа навечер или во различни смени.
КОВИД-19 И ПАНДЕМИЈА: “РЕЦЕПТ ЗА ДЕПРЕСИВНИ ЕПИЗОДИ И АНКСИОЗНОСТ“
Стручњаците велат дека и оваа пандемиска зима ќе влијае на проблемите кај многумина:
“Ако веќе се чувствувате лошо, со пандемијата, тоа е пат до депресија за многумина“, истакнува психологот Адам Борланд.
СОВЕТИ КАКО ДА СЕ БОРИТЕ СО СЕЗОНСКИТЕ АФЕКТИВНИ НАРУШУВАЊА И ПАНДЕМИЈАТА
Доколку ве мачи сезонско нарушување, но сте и анксиозни поради пандемијата, експертите нудат неколку совети како да си помогнете.
- ЗАДРЖЕТЕ ЈА РУТИНАТА
Важно е да имате дневна рутина, особено кога ве преплавуваат емоции, наведува Борланд и додава: “Тоа се однесува на мали цели кон кои може да тежнеете секој ден. Па ако се разбудите анксиозни веднаш мислите насочете ги на тие мали задачи, а како ги извршувате, пречкртувајте го. Токму тоа може да значи голема разлика. Целта може да биде да после будењето се истегнете и вежбате дишење 10 минути. Како што гледате не се работи за нешто недостижно, но може да ви помогне да го започнете денот на правилен начин“.
- ДВИЖЕТЕ СЕ
Физичката активност е важна форма на ментално здравје, а експертот наведува дека тоа не мора да значи да одите во теретана секој ден, туку можете да пешачите, танцувате или вежбате со кратки видеа од социјалните мрежи.
- ПРАКТИКУВАЈТЕ СВЕСНА МЕДИТАЦИЈА
Докажан начин за смирување на симптомите на депресија и анксиозност е свесната медитација бидејќи помага да се фокусирате за моментот, без мислите да ви талкаат низ некои минати настани. Ако имате проблеми со медитирањето, совет е да почнете со мали чекори и да започнете со вежби за дишење.
КОИ СЕ СИМПТОМИТЕ НА ЗИМСКА ДЕПРЕСИЈА?
Повеќето луѓе се со послабо расположение во текот на зимата, но некои ги фаќа и вистинска депресија со следниве симптоми:
- долготрајна потиштеност или безволност
- послаба концентрација,
- губење на енергија,
- нарушување на спиењето, најчесто во форма на зголемена потреба за сон,
- намалена дружељубивост, чувство на осаменост и напуштеност,
- намален сексуален нагон и
- зголемена желба за слатки, особено навечер.
Ако се сомневате на депресија, во секој случај треба да се консултирате со лекар и/или психотерапевт. Во комбинација со психотерапевтски третман, лицето може значително да ги намали овие симптоми или целосно да ги елиминира. При привремена депресија, можете да користите некои техники за самопомош што се покажале ефикасни.
