Според д-р Прети Даниел, од една лондонска клиника, жените во текот на зимата повеќе се жалат на менструални тегоби, најчесто заради тоа што во тој период менструациите подолго им траат. И ова не е само искуство на споменатата докторка, туку и резултатите од едно истражување спроведено во 2011 година го покажале истото.
Тогаш, исто така, се покажало дека жените во топлите краеви покусо крвават од оние кои живеат на студени места. И како сето ова да не доволно лошо – на зима се влошуваат и речиси сите тегоби кои го следат крвавењето затоа што тогаш помалку се движиме и квалитетот на исхрана ни е полош отколку во летниот период. Причина плус да не ја сакаме зимата и да и се радуваме на пролета, која, за среќа, ни е близу! Или можеби причина плус повеќе време да поминуваме со некоја физичка активност.
