ЗИМСКА ДЕПРЕСИЈА – како да се победи?!

Зимската депресија е индивидуална, некого победува повеќе, а некого помалку.

Студеното време и пократките денови со помалку светлина мошне често влијаат на нашето расположение, па не е необично на зима да сме полошо расположени и да патиме од зимска депресија. Чувствителните луѓе се уште посклони, па токму тие имаат поизразени симптоми на зимска депресија како што се замор, исцрпеност, лошо расположение, безволност, недостаток на енергија, потешкотии со спиењето и лоши општествени односи. Освен тоа зимата може да влијае на имунитетот и да ни донесе настински и грип.

Престој на свеж воздух

Пократките денови и малото количество сончева светлина можат да предизвикаат недостаток на витамин Д што може да доведе до умор, поспаност и промени на расположението. За време на студените и мрачни денови не се затворајте во четири ѕида, туку излезете на свеж воздух и осигурајте си доволно дневна светлина.

Добар сон

Ноќта е период за регенерација. Секојдневните напорни или помалку напорни активности бараат многу енергија, затоа е потребен добар и здрав сон, особено кога е присутна зимската депресија. Се препорачува да не јадете масна и тешка храна во вечерните часови. Важно е да ја проветрите собата во која спиете и да се погрижите да биде темна. Исто така, подолгите ноќи во текот на зимата можат да доведат и до премногу часови сон што за последица може да има и поголем замор.

Свежо овошје и зеленчук

Ако телото е слабо и изморено, причинителите за настинка немаат тешка работа. За да се спречи ова може да помогне дополнителниот внес на витамини во организмот. Свежото овошје и зеленчук се одлични сојузници во борбата против зимската депресија. Здравата исхрана не само што ќе се погрижи за виталноста, туку ќе помогне и во детоксикацијата. Во текот на зимата најчесто јадеме тешка и масна храна која е потребно постепено да се замени со лесни и хранливи намирници.

Редовно вежбање

За да се победи зимската депресија и сите нејзини негативни последици се препорачува редово вежбање и физичка активност. Токму тоа поттикнува излачување на ендорфин – хормон на среќата кој е клучен за доброто расположение и чувството на среќа. Физичката активност одлично делува на циркулацијата, рамнотежата на хормоните и метаболизмот. Доволна е секојдневна куса прошетка во траење од 30 минути или повеќе. Телото на тој начин ќе добие повеќе кислород, ќе го зајакне нервниот систем и одбранбениот механизам.

Растителни чаеви

Нема ништо подобро од мирисните растителни чаеви кои ни го поправаат расположението. Редовно треба да ги консумирате за да згреете и опуштите. Освен опуштањето, некои чаеви го забрзуваат метаболизмот што може да помогне во борбата со зимската депресија.