Се проценува дека околу 5 отсто од населението патат од зимска (сезонска) депресија, додека уште 10 до 20 отсто од луѓето имаат поблаг облик на ова пореметување на расположението. Зимската депресија се јавува како резултат на недостаток на сончева светлина во текот на постудениот дел од годината, што го ремети внатрешниот часовник на телото и може неповолно да влијае на расположението.
Симптомите кои уште може да се јават се потешкотии во концентрацијата, зголемена потреба за спиење, добивање на тежина и особена потреба за јаглехидрати.
Некои од намирниците кои можат да ги ублажат симптомите на сезонско афективно пореметување се: морската риба – туна, скуша, лосос (благодарение на витаминot Д и омега-3 масните киселини кои ги содржи), зелениот листест зеленчук кој обилува со витамини од Б-групата, особено со фолна киселина, зрнестото и јагодесто овошје, црното чоколадо (благодарение на високото количество на полифеноли), интегралните житарки кои, исто така, се полни со Б-комплекс и спречуваат нагла промена на нивоата на шеќер во крвта, бананите кои се добар извор на калиум и витамин Б6 и јаткастките плодови, кои ни обезбедуваат енергија и поттикнуваат создавање серотонин, па на тој начин поволно делуваат на расположението.
Би било добро да се ограничи внесот на шеќер, особено на индустриски слатки со оглед на тоа дека повеќе студии покажале дека шеќерот најпрво го подобрува расположението, но дека тој ефект е моментален и дека набрзо после тоа расположението може да биде полошо отколку пред да изедеме нешто слатко.
Една студија, исто така, покажала дека навиката да се внесува премногу шеќер, а премалку омега-3 масни киселини неповолно влијае на мозокот и дури го забавува неговото функционирање.
