Децата родени во зима се покрупни
Разгледувајќи ја статистиката, научниците утврдиле дека децата родени во зимските месеци се подолги од оние кои се родени на лето. До својата шеста, седма година, зимските деца се потешки, повисоки и имаат поголем обем на глава од нивните врсници родени во останатите годишни времиња.
Поинтелигентни се
Според заедничкото американско и австралиско истражување, во кое научниците го проучуваа развојот на 21 000 момчиња и девојчиња, се покажа дека зимските деца имаат подобри резултати на тестовите за интелигенција отколку нивните врсници.
Помалку се склони кон мултиплекс склероза
Кај нив ретко се јавува оваа сериозна болест. Сите сме слушнале дека здравјето на мајките може да влијае врз здравјето на бебето. Но дали сте знаеле дека и времето на зачнување, исто така, може да влијае врз здравјето на вашето бебе? Научниците од Универзитетот Оксфорд дошле до заклучок дека бебињата родени во ноември имаат најмалку шанси за мултиплекс склероза.
Почесто е предвременото породување
Бебињата зачнати во мај имаат поголеми шанси да се родат порано. Истражувачите на Универзитетот Принстон, откако анализирале различни податоци, игнорирајќи го социолошкиот статус на мајките, откриле дека бебињата кои дошле на свет во зимските месеци имаат 10 отсто поголеми шанси за предвремено раѓање. Се чини, дека еден од главните фактори за тоа е сезоната на грип.
Подепресивни се
Постои поголем ризик кај нив да се развијат невролошки нарушувања, вклучувајќи го т.н. сезонско афективно нарушување (зимска депресија), биполарна депресија и шизофренија. Научниците причината ја наоѓаат во количината на светлина на која се изложени новородените деца, односно нејзиниот недостаток.
Склони се кон алергија на храна
Се чини, дека во денешново модерно време се повеќе деца имаат некои проблеми со алергии на храна. Меѓу нив најголем е бројот на бебиња родени во зима.
