Candida aurus – златна кандида – ги загрижува лекарите, научниците, инфектолозите, а се разбира, најмногу пациентите. Многу малку се знае за оваа необична габа. Прв пат е забележана во Јапонија, пред десет години, а сега избива во оддалечените делови на планетата. Оваа габа воопшто не се однесува како габа. Инфекцијата избива како да е бактериска, а исклучително е отпорна на антигабична терапија. Најголем проблем во овој момент е што златната кандида воопшто не реагира на лекови.
Научниците ги загрижува тоа што оваа габа не може да се најде никаде во природата, туку само во човекот. И ширењето, исто така, е голема мистерија. Првично се мислело дека од Јапонија, каде и е откриена во 2019 година, е пренесена благодарение на патувањата, но генетската анализа оваа идеја во целост ја отфрлила.
Имено, сите примероци од Јужна Африка се мошне слични, а ниту еден не личи на примероците од Азија. И не се однесуваат исто, а кога не е позната причината за инфекцијата и не е познато како се шири, не може ниту да се контролира.
Заразените пациенти се во мошне тешка ситуација – лекарите ги менуваат сите лекови, но габата развива отпорност на нив за мошне кусо време. Повеќето габи се одржуваат во живот благодарение на влажните услови, но златната кандида опстанува на суво, на пример, на рамките од болничките кревети во заразена соба! И не може тукутака да се избрише со средство за дезинфекција.
Дали златната кандида може да убие!
За жал, меѓу 30 и 60 отсто од пациентите кои се заразени со златна кандида умираат. Во кој процент за нивната смрт е одговорна само кандидата лекарите засега не се во состојба да одговорат.
