“Златниот час“ кај срцевиот удар спасува живот. Препознајте ги симптомите и реагирајте веднаш

Правилната постапка за време на првите 60 минути од срцевиот удар може да спречи долгорочни негативни ефекти на здравјето, но и животот на пациентот. Успее ли лицето кое штотуку доживеало срцев удар да стигне во болница најдоцна за еден час и лекарите веднаш почнат да реагираат, пациентот може да очекува речиси целосно опоравување.

Таканаречениот “златен час“ е период кој на пациентот му пружа можност за преживување и подобар квалитет на живот по преживеаниот срцев удар. Со други зборови “златнио час“ е критичното време, а кога е во прашање срцев удар, “времето е мускул“, тврдат лекарите.

Срцевиот мускул почнува да одумира 80-90 минути откако му е оневзоможено обезбедување со крв, а за шест часа сите сите зафатени делови на срцето ќе претрпат трајно оштетување доколку изостане реакција. Колку побрзо лекарите ќе го нормализираат протокот на крв, толку оштетувањето на срцето ќе биде помало.

Освен последица во вид на трајно оштетување на срцевиот мускул, најчест непријател во раната фаза на срцевиот удар е пореметениот ритам на работата на срцето – вентрикуларна тахикардија и вентрикуларна фибрилација – две состојби во кои срцевиот мускул забрзано работи, но истовремено неефикасно пумпа крв. Затоа, лицето штом стигне до здравствена установа (возило на Брза помош или болница) се приклучува на ЕКГ монитор заради поценка на срцевиот ритам. Така, во случај на абнормален ритам веднаш може да се пружи помош или со употреба на електро кардиоверзии или со примена на одреден лек.

ВЕДНАШ РЕГАИРАЈТЕ НА ОВИЕ ЗНАЦИ

• Чувство на тежина или притисок во градите или чувство на печење во градите додека сте во мирување или при минимален напор. Често е проследено со немир, потење, чувство на болка во долната вилица, грбот и левата рака.
• Неможност да се дојде до здив без пропратни нелагодности во градниот кош, особено кај лица кои боледуваат од дијабетес.
• Болка и надуеност во стомачната шуплина.Обично ова се симптоми врзни за други здравствени потешкотии, но доколку се интензивни од вообичаено и поврзани со други симптоми на срцев удар, ни случајно не ги занемарувајте.

ШТО ТРЕБА ДА ПРЕВЗЕМЕТЕ

• Не ги занемарувајте симптомите и не лекувајте се самостојно – болката во градите не е исто што и менструална болка.
• Веднаш повикајте Брза помош (194)
• Во најкус можен рок стигнете до болница, најдобро со возило на Брза помош.

Усвојте здрави животни навики. Сите ризик фактори за срцето, како висок крвен притисок, дијабетес, зголемен холестерол, дебелина, седечки начин на живот, пушење, се тивки убијци бидејќи не предизвикуваат симптоми кои кај лицето создаваат страв за сопствениот живот, па поголемиот дел од времето се занемаруваат. Редовниот годишен систематски преглед не го прескокнувајте!