Луѓето можат на “намирисаат“ болест на други луѓе. До овој заклучок дошол тим на истражувачи од Шведска, кој тврди дека научните докази упатуваат на тоа дека болестите имаат посебни мириси. Така, инфекцијата на лимфните јазли има мирис на застоено пиво, а лицата кои имаат дијабетес може да имаат здив кој мириса на ацетон.
За потребите на истражувањето, кај осум здрави испитаници бил убризган или липополисахарид (ЛПС), токсин изграден од бактерија која го зголемува имунолошкиот одговор или физиолошки раствор. Тие носеле тесни маици кои ги апсорбирале молекулите на потта, за време на идните четири часа.
Одвоена група од 40 лица, потоа била замолена да ги помириса маиците. Оние маици кои ги носела групата со ЛПС имале поинтензивен и понепријатен мирис, во споредба со оние маици кои ги носеле испитаниците на кои им бил вбризган физиолошки раствор. Исто така, оцениле и дека маиците на ЛПС учесниците имале нездрав мирис.
