Изненадниот срцев застој не мора секогаш да биде големо изненадување. Имено, најново истражување покажало дека многу луѓе ги игнорираат сигналите кои телото им ги испраќа со денови, па дури и недели пред застојот. Околу 350.000 лица, само во САД, годишно умираат од срцев застој, кој не треба да се меша со срцевиот удар.
Застојот на срце претставува многу погрдо сценарио, оти срцето одеднаш престанува да чука, , со оглед дека неговата електрична активност “излегува“ од ритам. Неодамна е спроведено неверојатно истражување во Портланд во кое над 10 години биле следени лица заболени од изненаден срцев застој. За време на тој период се разговарало со лица кои биле блиски на жртвите, како и со преживеаните, и детално се прегледувале нивните здравствени картони. Откриено е дека половина од пациентите (особено оние во средни години) доживеале знаци на предупредување околу еден месец пред застојот.
“До моментот кога некој би повикал итна помош, за 90 проценти од лицата за жал било предоцна. Но, постои шанса тоа да се промени, за која досега не сме знаеле“, објаснува д-р Сумер Каг од Институтот за срце во Лос Анџелес, кој е и автор на истражувањето.
Интересно е дека некои пациенти сфатиле дека нивните симптоми се доволно загрижувачки, па пвикале итна помош пред да колабираат. Тие воедни имале и најмногу шанси да го преживеат застојот. Тоа е показател дека не треба да се игнорираат сигналите кои ни ги испраќа телото. Во тој случај, на прво место се болки во градите и недостаток на воздух – кои треба веднаш да се натераат во болница.
Претходен срцев удар, коронарни болести на срцето, како и некои наследни пореметувања кои влијаат на работата на срцето го зголемуваат ризикот од изненаден застој на срцето, а лицата кои знаат дека им се заканува зголемен ризик, според лекарите, треба да зградат дефибрилатор за да го вратат срцето назад во правилен ритам.
Според истражувањето, една четвртина од лицата кои имале срцев застој не искусиле никакви симптоми, додека повеќе од половината имале барем еден, со тоа што повеќето симптоми се појавиле во рок од 24 часа пред застојот. Но, некои симптоми почнале да се отчитуваат и еден месец претходно. Други симптоми на кои треба да се обрне внимание се нерамномерно отчукување на срцето и несвестица.
