Дебелите и различни веѓи ги красат Сајмон Кауел и Мадона, а ги имале и Одри Хепберн и Мерилин Монро. Психолозите тврдат дека такви веѓи имаат нарцисоидните лица или оние кои се премногу фокусирани на самите себе.
До овој заклучок дошле за време на истражувањето во кое учествувале двата пола, а луѓето со дебели веѓи се единствени во ставот дека светот би бил подобар доколку се тие на лидерските позиции.
Нивните фотографии истражувачите им ги покажале на втората група испитаници, кои се изјасниле дека кога ги гледаат нивните лица, имаат впечаток дека се работи за нарцисоидни личности. Кога истражувачите ги фотошопирале фотографиите и ги отстраниле споменатите веѓи на луѓето од првата група, втората група на испитаници повеќе го немала истиот став за нив.
Во повторното истражување, веѓите повторно биле „виновник“ за етикетата нарцисоидност.
Раководителката на истражувањето на Универзитетот во Торонто, Миранда Џакомин, изјавила дека е можно овие лица намерно да го одржуваат таквиот облик на веѓи или да ги прават различни за да бидат препознатливи во јавноста.
Резултатите од истражувањето биле објавени во магазинот „Journal of Personality“.
