Во усната шуплина има стотина различни бактерии кои во текот на денот се размножуваат, и тоа на површината на забите. Тоа може да влијае на имуниот систем и да предизвика воспалителни процеси ако не се ослободите од тие бактерии навреме. Насобраните остатоци од храна во текот на ноќта се вистинска “гозба“ за бактериите и подлога за создавање на плак.
Некои истражувања покажале дека нередовната хигиена на усната шуплина може да предизвика здравствени проблеми како што се болести на срцето и болести на дигестивниот систем.
Што велат стоматолозоите?
Стоматолозите советуваат дека најдобро е забите да се измијат веднаш по будење, односно пред консумирањето појадок. На тој начин ќе се ослободите од наслагите кои влијаат на создавањето на наслаги и бактерии. Ако планирате да ги измиете забите по појадокот, треба да имате на ум дека треба да причекате најмалку 40 минути по јадењето.
Можно е некои намирници кои ги консумирате за појадок да содржат шеќер или киселина која може да ја промени пХ во устата и така да предизвика слабеење на забната обвивка. Тоа за последица може да има подлабоко продирање на киселината во забите и нивно пропаѓање.
