Според податоците на Светската здравствена организација, речиси секој втор жител на планетата страда од некаква форма на алергија. Иако ви се чини дека досега за алегиите сте научиле речиси се, постојат низа заблуди. Ова се некои од нив…
Алерготестови не се препорачуваат кај деца помали од шест години – НЕТОЧНО
Кога постои сомнеж дека детето страда од хроничен бронхитис, уртикарија или егзема, тестови на кожа можно е да се направат и кај бебиња стари само неколку дена. Чекањето детето да наполни 6 години е непотребно одложување на поставувањето вистинска дијагноза и започнување со соодветна терапија. Благодарение на овие тестови стручњаците се во состојба од 300 алергени да го препознаат токму оној кој најмногу му пречи на пациентот.
Животинските влакна предизвикуваат алергии – НЕТОЧНО
Луѓето не се алергични на влакната од животните, туку на првутот, плунката, урината и фекалиите. Така, кога мачката се мие, таа остава траги од плунката на своите влакна, што кај лицата со алергија може да предизвика силен напад ако и се приближи. Најчесто овие алергени се наоѓаат на облеката на сопственикот,во намештајот или во сите делови од домот, така што алергичното лице може да добие напад, иако не е во близина на животното.
Детето може да биде алергично на сенф – ТОЧНО
Сенфот зазема четврто место на листата на најсилни прехранбени алергени кај децата, веднаш по јајцата, кравјото млеко и кикириките. За жал, тој често, иако во мали количини, се става како зачин во индустриски подготвената детска храна и може да предизвика напад на астма или појава на егзема.
