Среќата е прецената, ќе ви рече секоја личност која е незадоволна од својот живот, додека оние другите ќе ја истакнуваат нејзината вредност и придобивки за здравјето.
Имено, среќата не прави добро само за нашата психа, туку и за нашето тело – го јакне имунитетот кој не штити од болести, го чува срцето, ја ублажува болката и го продолжува животниот век, како што потврдиле релевантни научни истражувања.
Ова се пет директни придобивки кои ги имаме од среќата:
Подолг живот – 30 годишна студија која е завршена во 2015 година, го проучувала ефектот на среќата на животот на 32.000 лица. Ризикот од смрт бил за 14% поголем кај несреќните лица. Позитивниот став кон животот и она што се нарекува среќа има неверојатно влијание на долговечноста. Го намалува ризикот од предвремена смрт за 18% кај здравите, и за 3% кај болните лица.
Контрола на стресот – стресот го зголемува нивото на кортизол во телото, кој пак доведува до дебелеење, проблеми со спиењето, дијабатес тип 2 и висок крвен притисок. Студија спроведена кај над 200 лица покажала дека нивото на кортизол е за 32% пониска кај лицата кои се сметаат за среќни. Се докажало дека среќните луѓе произведуваат помалку кортизол при стресни ситуации.
Силен имунитет – добриот имунитет е клуч за здрав организам. Научниците спровеле студија во која 300 здрави лица биле прашан дали се сметаат за среќни, па со оглед на одговорот ги поделиле во 2 групи, а потоа ги заразиле во вирус на настинка. Се покажало дека настинале оние кои изјавиле дека не се среќни.
Здрав начин на живот – расположени и здрави луѓе посегаат по здрава храна, повеќе време минуваат на свеж воздух и се рекреираат. Истражување кај над 7000 возрасни лица покажало дека лицата со позитивен поглед на светот јадат повеќе овошје и зеленчук, и дека 10 часа неделно се занимаваат со спорт. Здравата исхрана го намалува ризикот од дијабетес, срцев и мозочен удар, како и од васкуларни болести.
Здраво срце – високиот крвен притисок е главната причина за срцеви болести. Истражување кај над 6500 лица над 65 години, покажало дека среќните личности имаат во просек за 9% понизок крвен притисок. Друго истражување покажало дека позитивниот став кон животот добро делува на опоравување на лицата кои доживеале инфаркт.
