Дементниот синдром се нарекува уште и сенилност. Болните ја губат контрола над себе, способностана расудување, имаат проблеми со емоционалните пречки. Со тек на време се повлекуваат во себе, ја менуваат својата способност и стануваа сомничави и раздразливи. Причина се главно оштетувања на мозокот, а 50% од деменцијата помеѓу повозрасните ја чини Алцхајмеровата болест.
Алцхајмеровата болест е невролошко пореметување, специфичен тип на деменција која доведува до постапно пропаѓање на мозокот, доведувајќи до проблеми со помнењето, секојдневното функционирање и однесување.
Симптомите на Алцхајмер се појавуваат постапно, низ период од неколку години и се разликуваат од пациент до пациент.
“Алцхајмер е најчест тип на деменција. Кај околу 60 проценти од случаевите, пациент со деменција има и Алцхајмерова болест“, вели Ричард Исакон, лекар од САД и додава дека единствената причина што почесто се споменува Алцхајмеровата болест е науката која тука најмногу напредувала во истражувањата.
ПРИЧИНИТЕ ЗА ДЕМЕНЦИЈА МОЖЕ ДА БИДАТ РАЗНИ
“Медицинската состојба, метаболичките проблеми, заболувањата на крвните садови, а понекогаш и инфективните болести може да влијаат на клетките во мозокот и така да предизвикаат деменција“, нагласува д-р Исакон и појаснува дека и депресивната псеведодеменција може да биде тригер, оти ако е нивото на сератонин ниско, лицето може да има проблеми со вниманието – а, ако е слаба концентрацијата, лицето може послабо да помни, што може да се манифестира како деменција.
Алцхајмер има свои корени… Се работи за болест на мозокот одбележана со наслаги на бета-амилоидни плакови и протеини наречени тау, кои ги оштетуваат клетките на мозокот во подрачјето задолжени за помнење, размислување и рационализирање.
СИМПТОМИТЕ МОЖЕ ДА БИДАТ СЛИЧНИ
За лицето да може да добие дијагноза на Алцхајмерова болест, според експертите, мора значајно да му бидат ослабени овие фактори: помнење, комуникација и јазик, можност за фикусирање, разбирање и расудување, како и визуелната перцепција.
