Осменоста го зголемува ризикот од предвремена смрт за 26%, покажала студијата направена на Универзитетот Бригам Јанг. Социјалната изолација и недоволниот број на социјални релации дополнително го зголемуваат тој ризик, поради што стручњаците сметаат дека осаменоста може да биде еднакво лоша за здравјето на човекот колку и прекумерната тежина или пушењето.
Истражувачите направиле разлика помеѓу лица кои се чувствуваат осамено и оние кои немаат контакт со надворешниот свет. Студијата покажала дека во ризичните групи се наоѓаат и оние кои се сами, но се чувствуваат среќни, како и поединци кои имаат многу социјални контакти, но се чувствуваат осамено.
Стручњаците тврдат дека развојот на технологијата влијае на фактот што се поголем број луѓе во светот живеат во социјална изолација и се помалку остваруваат релации лице в лице. Од друга страна, истражувањата покажале дека остварувањето на пријателски и романтични врски го намалува стресот, го подобрува имунитетот и му дава смисол на животот.
