Иако крвната група може да ве стави во ризична група од одредени состојби, ништо не е дефинитивно, вели д-р Даглас Гугенхем и појаснува дека е добро да се биде свесен за начинот на кој крната група може да влијае на здравјето, но исто така е важно и да се оди на редовни прегледи кај лекар за да се одржи здрав стил на живот.
БОЛЕСТИ НА СРЦЕТО
Лицата кои имаат крвна група АБ или Б имаат поголем ризик дека кај нив ќе се развијат болести на срцето. Д-р Глен Ремзи вели дека од 8 главни крвни групи, лицата кои имаат О, имаат и најмал ризик за развој на болести на срцето. Оние кои имаат АБ и Б се во најризичната група, што може да биде резултат на повеќе воспаленија кај овие крвни групи. Здравиот и квалитетен стил на живот е апсолутен приоритет кај овие крвни групи.
- Внимавајте што јадете
Кога се зборува за рибата, веднаш се споменува заштита од болести на срцето, со оголед на тоа дека се работи за рудник на омега-3 масни киселини кои го штитат овој витален орган. Со редовно консумирање на овие киселини, можете да го намалите крвниот притисок и да спречите згрутчување на крвта. Две порции риба неделно ќе го намалат ризикот од смрт од срцев удар за една третина! Се исплати повремено да се јаде риба како туна, лосос, харинга или сардини.
ДЕМЕНЦИЈА
Истражувањата покажале дека лицата со крвна група АБ имаат и до 82 отсто поголеми шанси да развијат деменција во споредба со другите крвни групи.
“Нашата студија ги следеше крвните групи и когнитивните проблеми, но неколку студии покажаа дека факторите како што се крвниот притисок и холестеролот, како и дијабетесот се ризични за развој на деменција и когнитивни потешкотии“, наведува д-р Мери Кушман, додавајќи дека крвната група е поврзана со васкуларни проблеми како што се мозочен удар и срцев удар, но се уште се потребни повеќе истражувања за да се потврдат резултатите. Храната е повторно добра мерка за превенција, затоа погрижете се секогаш при рака да имате зелен лиснат зеленчук, коренест и друг зеленчук, јаткасти плодови (бадеми, лешници, ореви…), бобинки, мешунки (мешунки), интегрални житарки, риба, живина, маслиново масло и вино, а избегнувајте ги “5-те нездрави групи“; црвено месо, потоа путер, маргарин и сирење, слатки, пржена и брза храна.
РАК
“Студиите покажале дека лицата со крвна група А и АБ имаат поголема веројатност да добијат рак на желудникот, а ако имате А, Б или АБ група, поголеми се шансите дека ќе се развие рак на панкреасот. Доколку припаѓате на оваа група, консумирајте храна што превенира рак и на тој начин намалете го ризикот од развој на оваа опасна болест.
ДИЈАБЕТЕС
Истражувањата покажале дека лицата кои имаат Аи Б група или АБ имаат и поголеми шанси кај нив да се развие дијабетес, а токму оваа студија ја покажува таа поврзаност. Важно е да се внимава на исхранта како мерка на превенција, а најважни се прехранбените влакна не само за лицата со шеќерна болест, туку за општата популација. Прехранбените влакна најмногу ги има во овошјето, зеленчукот и житарките, потоа мешунките, семките и јаткастите плодови. Имаат улога во превенција на шеќерната болест, болести ан срцето и ја регулираат дигестијата. Препорачаниот дневен внес е 14гр/1000кцал.
РИЗИК ОД КРВАРЕЊЕ
Истражувањата покажале дека лицата со крвна група 0 имаат двојно поголема веројатност да крварат до смрт по повреда што може да биде фактор на ризик за хеморагија. “Загубата на крв е водечка причина за смрт кај луѓето кои доживеале голема траума, но треба да продолжат да се спроведуваат студии за врската помеѓу различните крвни групи и ризикот од смрт за да се потврдат овие информации“, посочуваат лекарите.
