Со доаѓањето на летото и високите температури, потербно е добро да се заштити кожата. Ако тоа не го правите, постои шанса да добиете меланом, малигнен тумор кој го напаѓа нашиот најголем орган – кожата.
За да спречите меланом или за да го откриете навреме, потребно е редовно да се прегледуваат бенките на телото.
Бенките треба да се прегледуваат секои три до четири месеци, откако ќе наполните 18 години, а најдобар начин тоа да го направите е да го фотографирате целото тело еднаш годишно.
Така можете на најдобар начин да воочите дали има промени на бенките кои ги имате и дали се појавиле нови.
Ако бенката е асиметрична, има неправилни рабови, во различни е бои (има неколку нијанси на себе), поголема е од еден сантиметар или ве боли, рапава е или ве чеша, време е да посетите лекар. За да се заштитите од меланом, треба да избегнувате јако сонце, да носите капа или шешир, очила со УВ филтер и лесна облека со долги ракави.
