Поголемиот процент од жените тешко се справува со менструалните грчеви, промените на расположението и главоболките. Иако кога се зборува за менструален грип не се мисли на вистински грип, сепак сипмтомите се многу слични на грип.
Тие вклучуваат слабост, треска, замор, болки во мускулите, мачнина или повраќање.
Што точно се случува?
Простагландини – липиди кои се ослободуваат пред почнување на месечниот ментруален циклус се всушност виновниците за појавата на симптомите на грип. Почнуваат да се ослободуваат пред лупењето на слузницата на матката. Ако влезат во крвотокот се јавуваат и симптомите на менструален грип.
Доколку сте загрижени поради можната појава на ваков менструален грип, посетете гинеколог. Некои лекари ќе ви предложат вид на превентивна терапија, која може да помогне во намалување на симптомите.
