На сите ни е познато дека просториите во кои престојуваме треба редовно да се проветруваат. Ова е особено важно во зимските месеци кога луѓето повеќе време поминуваат дома, а многумина одбегнуаваат да отворат прозорец со цел да ја задржат топлината. Но, воздухот во собите кои не се проветруваат брзо станува застоен и загаден, а сето тоа може да предизвика различни здравствени проблеми како иритации на слузницата и кожата, кашлица и сувост на грлото, како и хроничен конјунктивитис, но и главоболки, алергии, замор.
Уште во 1984 година Светската здравствена организација ја дефинирала оваа појава како Синдром на болна зграда.
Имено, во затворени простори можно е да се најдат многу потенцијално отровни хемикалии кои се испуштаат од речиси се. Исто така, податоците од Royal College of Physicians сугерираат дека внатрешното загадување на воздухот придонесува за дури 99 000 умрања годишно во Европа.
За да се намали ризикот од здравствени проблеми, НАСА издвоила неколку билки кои според нив се најдобар избор за поправање на квалитетот на воздухот во домовите.
Еве кои се:
- Џуџеста палма
- Папрат
- Зелен лилјан
- Аглаонема
- Арека палма
- Фикус бенџамин
- Златен ползавец
