Истражување спроведено во САД на 2000 испитаници, што го побарал еден произведувач на лути сосови, покажало дека оние кои јадат луто имаат сексуален однос 5,3 пати на месец, за разлика од оние кои сакаат блага храна и водат љубов 3,2 пати.
Истражувачите на испитаниците им поставиле неколку прашања поврзани со тоа каква храна сакаат – незачинета, слабо зачинета, средно зачинета или лута. Се покажало дека лутата храна е тесно поврзана со желбата за авантура, гласна музика и секс. Оние кои сакаат луто, слушаат рок и џез музика, и обожаваат трилер, акција и хорор филмови.
Од хоби, љубителите на луто преферираат вежбање во теретана, готвење и кампирање, а љубителите на блага храна, читање, шопинг и гледање ТВ.
Љубителите на лутото, 45% почесто патувале надвор од местото каде живеат, сакале нуркање и рафтинг во споредба со оние кои не сакаат луто.
Исто така, лицата кои сакаат луто почесто изјавувале дека се среќни и дека уживаат во својата работа и дека се подготвени да ги остварат своите цели. Покомуникативни се и се чувствуваат подобро во својата кожа од оние кои избегнуваат луто.
