Во моментов, според информациите од Министерството за внатрешни работи, во земјава над 2.000 лица имаат наредба за самоизолација, додека 390 се со решенија за здравствен надзор.
- СКОПЈЕ: 1000 лица со наредба за самоизолација и 230 со решение за здравствен надзор
- ШТИП: 246 лица со наредба за самоизолација и 10 со решение за здравствен надзор
- КУМАНОВО: 221 лица со наредба за самоизолација и 6 со решение за здравствен надзор
- ОХРИД: 205 лица со наредба за самоизолација и 82 со решение за здравствен надзор
- ТЕТОВО: 185 лица со наредба за самоизолација и 17 со решение за здравствен надзор
- СТРУМИЦА: 172 лица со наредба за самоизолација и 11 со решение за здравствен надзор
- БИТОЛА: 140 лица со наредба за самоизолација – 32 со решение за здравствен надзор
- ВЕЛЕС: 99 лица со наредба за самоизолација и 2 со решение за здравствен надзор
Домашна самоизолација во земјава се препорачува за сите патници (возрасни и деца) кои доаѓаат од ризичните земји на СOVID-19, а подразбира 24 часовен престој во домашни услови во траење од 14 дена од денот на влегувањето во земјава. Решенија за здравствен надзор и домашна изолација Државниот санитарно-здравствен инспекторат издава за контактите на потврден случај со СOVID-19.
Ако ви е одредена мерка за самоизолација, ова се работите до кои задолжително мора да се придржувате. Оваа мерка ве штити вас, но и другите.
МЕРКИ НА ЗАШТИТА ВО САМОИЗОЛАЦИЈА
⊗ Не е дозволено да се излегува од домот, освен во крајна нужда.
⊗ Кога ќе влезете во самоизлација, должни сте да му се јавите на матичниот лекар. Други јавувања не се потребни, освен ако не добиете температура.
⊗ Мерете ја телесната температура наутро и навечер.
⊗ Обрнете внимание на појавата на симптоми на респираторна инфекција (температура, кашлица, отежнато дишење…)
⊗ Редовно мијте ги рацете со сапун и вода или користете средство за дезинфекција. Задолжително носете заштитна маска (хируршка маска).
⊗ Редовно чистете ги и дезинфицирајте ги предметите и површините во просториите во кои престојувате.
⊗ Редовно проветрувајте ја просторијата.
⊗ Користете оддела постелнина, пешкири и прибор за јадење.
⊗ Обезбедете одвоена соба и одвоено користите тоалет.
⊗ Во случај на потреба за одење во здраствена установа, претходно јавете му се телефонски на матичниот лекар или надлежниот епидемиолог.
Според наводите, коронавирусот е група на вируси, а симптомите на моменталниот отстапуваат од оние познатите. Според стручњаците, постојат три главни симптоми на зараза со новиот коронавирус. Колку што е засега познато, симптомите може да бидат благи и слични на грип, како благо покачена телесна температура, но и :
- Кашлица
- Отежнато дишење
- Болки во мускулите
- Замор
Ако ги имате овие симптоми, задолжително веднаш повикајте го својот лекар или јавете се во службата „Ало докторе„:
- ЦЈЗ Битола 071 261 330
- ЦЈЗ Велес 071 219 278
- ПЕ Гевгелија 078 545 444
- ЦЈЗ Кочани 071 373 913
- ЦЈЗ Куманово 070 215 851
- ЦЈЗ Охрид 070 723 029
- ЦЈЗ Прилеп 076 475 747
- ЦЈЗ Скопје 071 289 614
- ЦЈЗ Струмица 072 235 543
- ЦЈЗ Тетово 075 240 464
- ПЕ Гостивар 076 365 161
- ЦЈЗ Штип 078 365 613
- ИЈЗ Скопје 078 387 194
- ЗД “Ало докторе” 02/15 123
