Гинеколошкиот преглед за повеќето жени не е пријатен. Често своите мисли ги оптоваруваат со тоа што гинекологот мисли за време на прегледот. Еве што некои гинеколози кажале дека размислуваат додека прават преглед на пациентки.
Не ни е важно дали се средени или не
“Дневно прегледуваме десетици жени и навистина немаме време да забележиме дали некоја жена е издепилирана, избричена или не. Не обрнуваме внимание ниту на педикирот. Не можам да ви опишам колку жени дневно ми се извинуваат поради тоа што не се издепилирале или не си ги средиле ноктите’, изјавила д-р Алисија Двек, гинеколог.
Не мислиме дека е непријатно ако на преглед дојдете за време на циклус
“Некои жени мислат дека е одвратно да дојдат на преглед за време на менструален циклус. Тоа не е точно. Не би станала лекар ако се гадам од менструална крв. Ако пациентката има обилни менструации, тогаш дефинитивно сакам да видам при преглед, за да бидам сигурна дека се е во ред“, додава д-р Кристина Гревјс гинеколог од Орландо, Флорида.
Гинекологот може да ви го подобри сексуалниот живот
“Сексуалниот живот не е табу тема за гинеколозите. Одушевена сум кога пациентите откриваат работи за кои се загрижени, а се однесуваат за сексуалното здравје. Најчести проблеми се болен полов однос, крварење по него илии едноставно непостоењето на желба за него. Со сите тие проблеми можеме да помогнеме, само треба да ни кажете“, додава д-р Двек.
